Category OS MEUS CARTEIS
ENTROIDO 2013 LAZA
PÓSTER ENTROIDO 2003
Poesía: Carmen Rivero Gallego
Xorde coma o lóstrego na noite,
Rachando coma un trono o silencio.
Ferve o sangue dos lazanos
Ó escoitar o ruxir do peliqueiro.
Bravo, coma un deus pagán,
Fermoso coma os luceiros,
Polas súas veas flúe
O orgullo dos devanceiros.
Nada o acovarda nunca,
nin a neve nos lameiros,
nin os soldados de Franco,
nin os apócrifos modernos.
O peliqueiro é máis
co traxe e co feitío.
É a nosa tradición,
o emblema dos lazanos,
que legan de pais a fillos,
os máis sagrados arcanos.
O que se leva no sangue,
mamándoo dende o berce,
non esmorece cos anos,
non se humilla nin se esquece.
Dende a noite dos tempos,
Sempre houbo peliqueiros,
facendo soar os chocos ,
estremecendo os vieiros.
Aínda que non quedara,
Pedra sobre pedra en Laza,
sempre haberá peliqueiros…….
¡Peliqueiros de pura raza !!!
Carmen Rivero.